སྙིང་བོ།
རྩོམ་སྒྲིག་པ། སྒྲོལ་བྱེད།
རྩོམ་སྒྲིག་པ། སྒྲོལ་བྱེད།
སྙིང་བོ།
སྒྲོལ་བྱེད།
ཁྱོད་ཀྱི་བྲང་ཁ་རྡོལ་བ་ལས་ལག་པ་མང་པོ་སྐྱེས
སྐམ་ཐན་གྱི་མིག་མཐར་གཤར་བའི་དུས་ཚོད་ཀྱི་རོ་སྟོང་བ་དག
སང་ཉིན་གྱི་ཚོགས་སུ་སྡུག་གུར་བཤམས
ནམ་ཕྱེད་འདིའི་སྔ་རོལ་དུ
ངས་ཁྱོད་ཀྱི་མིང་ཡིག་ཁུར་ནས
མྱ་ངམ་གྱི་ཐང་ཆེན་པོ་ཞིག་བརྒལ་དགོས
ད་ནས་བཟུང ཧེ་ཙི
ངས་རང་གི་རྟེན་གཞི་བོར་བའི་ལག་པ་འདི་གཡར་ནས
ཕོན་ཆེ་བའི་རྨ་ཁའི་སྟེང་དུ་གཏེར་ལེན་ཁའི་མཚན་མོ་འགེབས་དགོས
ཉེར་དྲུག་ཉིན་གྱི་མེ་འཁོར་མ་སླེབ་གོང
ལྗན་ལྗིན་གྱི་ལྕགས་ལམ་ཐོག་ཏུ་ཟླ་དགུ་བའི་མེ་ཏོག་གི་བཟི་སྣང་འབྲིད་དགོས
ད་ནས་བཟུང ཧེ་ཙི
ང་ནི་རང་གི་འདོད་པ་ལྟར་གྱི་མི་ཁམས་དྭངས་ཞིག་བྱེད་ངེས
ཉི་མ་རེ་རེ་ལོ་ངོ་ཉི་ཤུའི་བོར་སྟོར་གྱི་རྨི་ལམ་བཞིན་བདུངས་ནས
རྙིང་ཧྲུལ་ཧྲུལ་གྱི་འཚོ་བར་གཅེས་ངེས
ད་ནས་བཟུང ཧེ་ཙི
ང་ནི་རང་གི་འདོད་པ་ལྟར་གྱི་མི་ཁམས་དྭངས་ཞིག་བྱེད་ངེས
ཁ་བ་སྙིང་ལྕགས་ལ་ཕུལ་བ།
ཁྱོད་རང་དུས་ཚོད་ཀྱིས་ཕྲག་པར་ཁུར་ནས
ཡུན་རིང་གཉིད ཡུན་རིང་གཉིད་པས
རྨི་ལམ་ཀྱང་མངོན་སུམ་ལས་ཡར་མར་འཕུར
སྙིང་ལྕགས
སྐྱེ་བ་གཅིག་གི་གཟུགས་འགྱུར་གྱི་ཆོ་ག
སྒྲུང་ནང་གི་ཞོགས་པའི་གཟབ་མཆོར་དུ་གྱུར
yསྲང་ལམ།
གྲིབ་མ་རེ་རེ་ང་ལ་དགོད་ཅིང་སྡང
ཐུག་འཕྲད་ཀྱིས་མ་ཐེག་པའི་རྐང་རྗེས་མང་པོ
རྡུལ་ནང་དུ་ཞུ་ཞིང་འགྲེ་ལྡོག་རྒྱག
གཏིང་རིང་བའི་ཁྱོད་ཀྱི་རྒྱབ་གཟུགས
ན་མཉམ་པའི་ཡིད་གདུང་ཁྲོད་ལུས
Signature is customized by Netease