ཁྱེད་ནི་ངའི་ཐ་སྙད་དང་ཚིག་འབྲི་རེ་རེ་ཡིན།
རི་ཤི་བ། ཐུ་བྷོད་ཁྲག་སྨྱུག ཆམ་པ། གཏུམ་པོ། རྣོ་བཙའ་མེད།
ངའི་མཛའ་མོ lwz
ཆམ་པ།
བདག་གི་སྙིང་ཉེ་ལགས
ང་ནི་མཐའ་མེད་པའི་ཉི་འོད་ནང་དུ
མགོ་འཁོར་བ་མ་ཡིན་པར
གཏམ་རྒྱུད་ཞིག་གིས་སེམས་པ་བརྐུས
སྐྱེས་མ་དེ་དྲན་པའི་ཀློང་ནས
ང་རང་ཡན་ཡུན་ཏུ་བཏང
" ࿎࿎ "
སུན་སྣང་སྐྱེ་མ་མྱོང
ཉི་མ་ནུབ་རིར་ཡིབ
ང་རང་གཉིད་དུ་ཤོར
མཛའ་མོ་རྨི་ལམ་ལས་ཕེབས
6.7
བརྩེ་དུང་།
རྣོ་བཙའ་མེད།
བརྩེ་དུང་ནི་སེམས་ནས་བཀྲ་ཡོང་བ་ཞིག་རེད
དཔེར་ན་ཁྱོད་ལྟར་ཞེ་གཏིང་ནས་དྲོད་དང་འོད་བཞིན
ཆུ་དང་འཁྱགས་བཞིན་ལུས་ཀྱི་དྲོད་གྲང་དུ་གྱུར་སོང་ཚེ
སེམས་ནས་ཕྱི་རུ་བརྡོལ་ཡོང་བ་དེ
ཐ་སྙད་ཀྱིས་མཚོན་མི་ཤེས་པའི ཚོར་བ་དེ་འབྲི་མི་ཤེས་པའི
ཁྱོད་ལྟར་ང་ཡི་དྲན་པ་ཡི་ཁ་ཕྱོགས་འཁྱེར་འགྲོ་བའི
དགའ་ཞེས་བཤད་མི་སྤོབས་པ་དེ
ངས་ཁྱོད་ལ་སྦྱིན་དགའ་བའི་འཕྲིན་པ་དང་པོ་དེ་རེད་འདུག
ཙག
ཁེར་རྐྱང་དུ་ངས་གཞི་ནས་ཙག་ཚོར་བྱུང
ཙག་ངོ་མ་དེ་ཅི་ཡིས་ཀྱང་མི་ཁོག་འདུག
ལྭ་བ་འཐུག་སོང་བས་ཡང་ན་སྲབ་སོང་བས
ལུས་ཁོག་ཏུ་ཙག་ཞེས་པའི་ངར་ཁྱོ་ཞིག་ཐོན་བྱུང
སྔངས་འདར་རྒྱབ་ཚེ་གདོན་ཞུགས་ཡོང་ལ
ཧུར་ཐག་གིས་བསྲན་ན་ཤ་གསེང་ནས་བརྡོལ་ཡོང
གཞན་ཅི་ཡང་མ་རེད་དེ་འདི་ནི་ཙག་ཞེས་པའི་ལྷན་པོ་ཞིག
6.7
སྣང་བའི་དར་སྐུད་དཀྲོལ་བའི་ཞེ་འདང་མ།
ཐུ་བྷོད་ཁྲག་སྨྱུག བྲག་འགོ
༡
དྲན་པ། རེ་སྒུག བརྩེ་བ།
ཆགས་ཞེན་གྱི་སྣང་བ་དང་
ཕྱིར་དྲན་གྱི་ཟིན་ཐོ།
༢
གངས་ཀྱི་ཆུ་འགྲམ་དང་ཧི་མ་ལའི་རྩྭ་ས
རྒྱ་མཚོའི་གཏིང་ག་དང་
རི་བོའི་ཕ་མཁར་གྱི་ཞིང་གྲོང་ན
མིག་ཆུ་དང་དགོད་སྒྲས་བརླན་པའི
ཚེ་སྲོག་གི་འཕར་རྩ་ལྡང་གིན་ཡོད།
༣
ཚིལ་དྲག མར་དྲི། རྩམ་དྲི།
མི་རིགས་ཀྱི་ངོ་སོ་དང་
སྲོལ་རྒྱུན་གྱི་དར་ཆ་བསྒྲེངས་བའི་ཞེ་འདང་མ
༤
སྣང་བའི་དར་སྐུད་དཀྲོལ་བའི་ཞེ་འདང་མ།
ལས་དབང་གི་རྟ་ཕོར
བརྩེ་དུང་གི་སྲབ་སྐྱོག་བསྐྱོན་ཏེ
ཆེས་ཟབ་རྒྱས་ཀྱི་འཚོ་བ་ཞིག་གམ
ལྷིང་འཇགས་ཀྱི་འཇིན་རྟེན
ཞི་བདེ་ཡི་སྤྱི་ཚོགས་ཞིག་ལ
མཉམ་དུ་རོལ་བའི
ངང་སྒུག་བྱེད་ཀྱིན་ཡོད།
༢༠༢༡—༦—༧ཉིན།
འཕྲིན་པ།
གཏུམ་པོ།
ལུས་ཀྱི་ཁུ་བོ་ཅི་ཡིན་མ་འདྲི་རོགས
མེ་ལོང་ཞིག་གི་ཆག་གྲུམ་བསྒྲིགས་ཚར་མེད
གྲིབ་མའི་ཁྲོད་དུ་ཞལ་ཁེབས་མ་ཕྱེ་ཞིག
ཡོམ་ཡོམ་འདར་བའི་གཟུགས་བརྙན་རླུང་བུ་ཉིད
ང་ཡི་བྲང་གཞུང་ཁ་རླངས་མ་གཏོང་རོགས
བགུན་ཟླ་ཐེད་པོ་གམ་དུ་སླེབས་པའི་ཚེ
གྱོན་པ་འགེབས་སའི་སྡོང་ལོ་ས་རུ་འཐོར
རྫོགས་མཐའ་མེད་པའི་རྨི་ལམ་ཤིན་ཏུ་རིང
མཛེས་པའི་མེ་ཏོག་སླར་ཡང་མི་བཞད་པའི
གཟེབ་ཏུ་ཚུད་པའི་སྐུ་ཅོ་མ་སྒྲོག་རོགས
རྫ་བུམ་ནང་གི་མེ་ཏོག་མཇལ་འཕྲད་ཕྱིར
རྟ་ཕོ་ཁོམ་པ་སྲ་ལས་ཡང་ཡང་ཤོར
ཁྱེད་ནི་ངའི་ཐ་སྙད་དང་ཚིག་འབྲི་རེ་རེ་ཡིན།
རི་ཤི་བ།
༡
མཚམས་རེར་རང་ཉིད་ནི་ས་མཐར་འཁྱམས་པའི་ཁྱི་ལྡོམ་དེ་ཡིན་པར་འདོད་ལ། ཡང་མཚམས་རེར། རང་ཉིད་ནི་ཞིང་གྲོང་གི་རླུང་བུ་དང་འདྲོགས་ཏེ། ཁྱེད་ཀྱི་གཤོག་སྣེ་ལ་བདའ་བཞིན་གཤོག་འགྱུར་གྱིི་སྟངས་སྟབས་མངོན་པའི་ཁ་ལ་ཡུག་དེ་རེད་བསམ།
༢
ང་ནི་མཚེའུ་འགྲམ་ན་གོག་པའི་སྦལ་བ་ནག་རྒན་དེ་ཡིན་ན། ཁྱེད་ནི་ངས་ཡིད་སྨོན་འཆོར་སའི་མཚེའུ་དཀྱིལ་ནས་འཕུར་བའི་ངང་བ་དཀར་བོ་དེ་ཡིན་ནམ།
༣
༣
ཁྱེད་ནི་དབྱར་དགུན་སྟོན་དཔྱིད་མེད་པར་གཡོལ་མེད་དུ་ཀེར་བའི་ཐོ་ཡོར་དེ་ཡིན་ན། ང་ནི་ནམ་རྒྱུན་ཁྱེད་ཀྱི་དཔུང་བ་ལ་བབས་ནས་སྐད་སྙན་སྒྲོག་མཁན་གྱི་བྱེའུ་དེ་ཡིན།
༤
༤
གལ་སྲིད་ངའི་རྨི་ལམ་ལས་རྨིས་མྱོང་བའི་མི་དེ་ཁྱོད་ཡིན་ན། རྨི་ལམ་ལས་བྱུང་བའི་གཏམ་རྒྱུད་དེ་ཁྱེད་ཀྱིས་རྟོགས་སམ།
༥
ང་ནི་ཁྱེད་ཀྱིས་ཡིག་ཐོག་ཏུ་ཕབ་པའི་སྙིང་གཏམ་དེ་དག་མིན་ནའང་། སྨྱུག་ཁ་ནས་ཐོན་པའི་སྙིང་གཏམ་འབྲི་བྱེད་ཀྱི་སྨྱུག་ཆུ་དེ་ཡིན་པར་འདོད།
༦
༦
ང་ནི་ཐག་སྒྲ་དང་བཅས་ཏེ། འཁོར་གྱིན་པའི་དུས་ཚོད་ཀྱི་མདའ་རྟགས་དེ་ཡིན་ན། ཁྱེད་ནི་ང་ལ་དམ་འཛིན་དང་གཅེས་སྤྲེས་བྱེད་མཁན་གྱི་མི་ཡིན་ནམ།
༧
ང་ནི་བརྩེ་དུང་གི་གཏམ་རྒྱུད་བྲིས་ཏེ། དྲན་ཤིང་གི་རྡོ་རིང་བཞེངས་མཁན་གྱི་རྩོམ་པ་པོ་དེ་ཡིན་ན། ཁྱེད་ནི་གཏམ་རྒྱུད་ཀྱི་དེབ་
༨
༨
ང་ནི་ཁྲ་གླག་གིས་འཛིན་ཏེ། ཟས་ཐུན་ཅིག་ཏུ་འགྱུར་ལ་ཉེ་བའི་བྱེའུ་དེ་ཡིན་ན། ཁྱེད་ནི་ལྟད་མོ་ལ་གཡེང་བའི་ཁོག་ནག་གི་བྱིས་པ་སྣབས་ལུག་དེ་ཡིན་ནམ།
༩
༩
ཁྱེད་རང་གནམ་གྲུར་བསྡད་དེ་སྤྲིན་གྱི་བང་རིམ་བརྒལ་རན་སོང་ན། ངས་ནི་ཁྱེད་རང་སྐྱེལ་མ་ཙམ་ཡང་བྱེད་མ་ཐུབ་ཀྱང་། ངའི་དྲན་ཤེས་གཤོག་དྲུག་གི་སེམས་པ་འདིས། སྔོན་ནས་ཁྱེད་ཀྱི་འགྲམ་ཟུར་ན་ཡོད་པའི་འདུག་སྟེགས་དེ་ཡི་འཛིན་བྱང་ཉོས་ཟིན།
༡༠
༡༠
སེར་བ་ཐེངས་ཤིག་བབས་རྗེས། ཁྱེད་རང་འཛུམ་དམུལ་དམུལ་གྱིས་ངང་ནས་འཕུར་སོང་། འོན་ཀྱང་། ངའི་ལང་ཚོའི་མེ་ཏོག་གི་འདབ་མ་རེ་རེ། ཁྱེད་ཀྱི་ཆེད་དུ་ན་ཟུག་དང་ཚ་གཟེར་རེ་རེ་བཞིན་ས་རུ་ཉུལ།
རྩོམ་སྒྲིག་པ། མྱི་གསར་བ།
རྩོམ་སྒྲིག་པ། མྱི་གསར་བ།
མཐོང་གྲོལ་དྲ་རྩོམ་དག་རྩོམ་བདག་དང་དྲ་བདག་གིས་ཆོག་མཆན་མེད་པར་རང་དགར་མི་འཁྱེར་བར་མཁྱེན།
 |
|
Signature is customized by Netease
