དཔེ་འཕྲིན། རྫོང་སར་རྩོམ་རིག འདོན་ཐེངས་གཉིས་པ།

དཔེ་འཕྲིན། རྫོང་སར་རྩོམ་རིག
                 སྤྱིའི་འདོན་ཐེངས་གཉིས་པ།
ཀློགས་མཁན་ལགས།  སླར་ཡང་རྫོང་སར་རྩོམ་རིག་འདོན་ཐེངས་གཉིས་པ་མི་འགྱང་བར་སྒོར་བསླེབ་ལ་ཉེ།  རྩོམ་སྒྲིག་པས་མཐོང་སྣང་ལ།  ཐེངས་འདིའི་དེབ་ཀྱི་ནང་གི་བརྩམས་ཆོས།  ཕྱིའི་ཇུས་འགོད་དང་རྒྱུ་སྤུས་སོགས་གང་གི་ཐད་ནས་ཀྱང་སྔར་ལས་ལེགས་ཤིང་འཐུས་སྒོ་ཚང་བར་སྣང་པས། ཁྱེད་ཀྱི་ཡིད་ཆེས་དང་རྒྱབ་སྐྱོར་སྟོང་ཟད་དུ་གཏོང་མི་སྲིད།  དེ་བཞིན་དུ།  ལོ་སྔ་མའི་ནང་དུ་ཕྱོགས་སོ་སོའི་གྲོགས་པོ་དུ་མས་དོ་སྣང་དང་རྒྱབ་སྐྱོར་བླ་ལྷག་བྱས་པ་ལ་སྙིང་ནས་བཀའ་དྲིན་ཞུ་དགོས་ཡོད།  ལྗིད་ཚད་དང་རིན་ཐང་ལ་མི་བལྟ་བར་འུར་ཟིང་དང་སབ་སོབ་ལ་གཡེང་བའི་དུས་འདིར།  ཤེས་རིག་དང་རྩོམ་རིག་གི་དད་མོས་ཤིག་ལྗང་སྨྱུག་གི་ས་བོན་བཞིན་སྐྱེད་བསྲིང་བྱ་རྒྱུ་ལས་སླ་མོ་མིན་ཡང་།  དངོས་ཤུགས་བརྒྱུད་གསུམ་ནས་སྟོབས་ཤུགས་དང་རེ་བ་ཡང་ཡང་སྩོལ་བའི་ཁྱེད་ཅག་གིས་ང་ཚོར་སྤོབས་པ་དང་སྤྲོ་སྣང་བླ་ལྷག་བསྩལ་བྱུང་།  བཀའ་དྲིན་ཆེ།

ཞོར་དུ་ཞུ་འདོད་པ་ཞིག་ལ།  ཐེངས་འདིའི་དེབ་ཀྱང་སྒོར་ཐོན་པ་དང་མཉམ་དུ་མདོ་ཁམས་ཕྱོགས་ཀྱི་ས་གནས་མི་འདྲ་བ་སུམ་བཅུ་ལ་ཉེ་བ་ཞིག་ནས་འགྲེམ་སྤེལ་བྱེད་འཆར་ཡོད་ཅིང་།  མ་ཟད་སྡེབ་ཚོང་དང་སིལ་ཚོང་གཉིས་ཀ་ཡོད་པས།  བླུ་འདོད་པའི་གྲོགས་པོ་ཀུན་གྱིས་དེ་ལྟར་དུ་འབྲེལ་བ་གནང་རོགས་ཞུ། བཀྲ་ཤིས་བདེ་ལེགས།

འགྲེམ་སྤེལ་ས་གནས།

རྫོང་སར།  དཀར་མཛེས།  དར་མདོ།  སྡེ་དགེ།  གསེར་རྟ།  རྔ་བ།  ནང་ཆེན།  སྐྱེ་དགུ།  རྟའུ།  བྲག་མགོ།  འབར་ཁམས།  མགོ་ལོག  བླ་བྲང་།  ལི་ཐང་།  འཇོ་མདའ།  སེར་ཤུལ།  ཉག་ཆུ་ཁ།  མ་ཎི་གད་མགོ།  ཆབ་མདོ།  སོགས་ནས་འགྲེམ་སྤེལ་བྱེད་འཆར་ཡོད་པས་མོས་པ་ཅན་རྣམས་ཀྱི་དེ་ལུགས་ཐུགས་ལ་འཇོག་པར་འཚལ།





དཔེ་དེབ་ཉི་ཤུ་ཡན་ཆད་སྡེབ་ཉོ་བྱེད་མཁན་བྱུང་ན་གང་མཚམས་ཀྱི་རིན་གོང་ཕབ་གཅོག་བྱེད་ངེས་ཤིང་། རྒྱུན་ལྡན་གྱི་གནས་ཚུལ་འོག་ནས་སྤྱི་ཟླ་བཅུ་གཅིག་པའི་ཚེས་བཅོ་ལྔ་ཚུན་ཆད་དུ་ས་ཆ་གང་ལའང་སྐུར་ཐུབ་ངེས་ཡིན། 

	མཐོང་གྲོལ།
邮箱：tongdrol@163.com

Signature is customized by Neteas

དཔེ་འཕྲིན། ཀུན་གཞི་རྣམ་ཤེས་ལ་དཔྱད་པ།
རྩོམ་པ་པོ་རྫ་བ་ཚུལ་ཁྲིམས་ནོར་བུ།

དཔེ་འཕྲིན། བྱང་ཐེག་སྐར་ཚོམ་དགུ་པ།
རྩོམ་པ་པོ། འོལ་བ།