གལ་ཏེ།
རྩོམ་པ་པོ། གསོན་འདྲེ།
གལ་ཏེ། ཞར་བཀོད་གསུམ།
གསོན་འདྲེ།
གལ་ཏེ་
ང་ལ་གནམ་མཁའི་བྱ་རྒྱལ་འདྲ་བའི་གཤོག་ཟུང་ཞིག་ཡོད་ན་
སྤྲིན་གྱི་བང་རིམ་འཕྲེད་དུ་བཅད་ནས་ཁྱེད་ཀྱི་གན་དུ་བཅར་ན་འདོད
གལ་ཏེ་
ང་ལ་ཅང་ཤེས་རྟ་ཕོ་དང་མཉམ་པའི་བང་རྩལ་ཞིག་ཡོད་ན་
རི་ལུང་ཐང་གསུམ་རྒྱུད་ནས་ཁྱེད་ཀྱི་དྲུང་དུ་ཡོང་ན་འདོད་
གལ་ཏེ་
ང་ནི་བར་དོ་རྣམ་ཤེས་ལྟ་བུ་ཐོགས་མེད་དུ་རྒྱུ་བ་ཞིག་ཡིན་ན་
སྐད་ཅིག་དེ་ཉིད་ལས་ཁྱེད་ཀྱི་གན་དུ་འཁོར་ན་འདོད་
གནས་འདི་རུ།
གནས་འདི་རུ
སྤང་ཁུག་རེ་རེའི་ནང་
འདོད་རྩལ་དབེན་པའི་
འབྲོག་མོ་ཞིག་དང་མལ་སར་ཕབ་པའང་གྲངས་ཉུང་མིན།
གནས་འདི་རུ
རྐང་ཚི་སྐྱུར་རུ་རུ་བྲོ་ཞིང་
བྲང་གཞོང་ལག་མཐིལ་མཉམ་པའི
འབྲོག་མོ་ཞིག་གི་རྐུབ་ལ་བལྡགས་པའང་ལན་ཉུང་མིན།
གནས་འདི་རུ
ནམ་ཚོད་རེ་རེ་ལ
ཆགས་པའི་མེ་སྟེགས་བར
འབྲོག་མས་ང་ལ་བདེ་ཞིང་དུ་ཁྲིད་པའང་གྲངས་ལས་འདས།
ཁྱེད་བྱོན་པ།
འདྲེས་མེད་རྒྱུས་ཡོད་ཁྱེད་བྱོན་པ་དེས།
ངའི་སེམས་རྩའི་ལྡང་འགྲོས་ཇེ་འགྱོགས་བཏང་།
ངའི་ལུས་ཀྱི་ལྷུ་ལག་ལ་ཚ་བེར་བསླངས།
ངའི་མི་ཚེའི་གཏམ་རྒྱུད་མགོ་མཇུག་སློག
ངའི་འཚོ་བའི་ཁ་ཕྱོགས་སྟེ་འོག་བསྒྱུར།
རྩོམ་སྒྲིག་པ། འཕགས་མི།
མཐོང་གྲོལ་དྲ་རྩོམ་དག་རྩོམ་བདག་དང་དྲ་བདག་གིས་ཆོག་མཆན་མེད་པར་རང་དགར་མི་འཁྱེར་བར་མཁྱེན།
 |
|
Signature is customized by Netease
