བློ་སྦྱོང་ཚིགས་བརྒྱད་མ་བཞུགས་སོ།།
གླང་རི་ཐང་པས་གསུངས།
བློ་སྦྱོང་ཚིགས་བརྒྱད་མ་བཞུགས་སོ།།
བདག་ནི་སེམས་ཅན་ཐམས་ཆད་ལ།།
ཡིད་བཞིན་བོར་བུ་ལས་ལྷག་པའི།།
དོན་མཆོག་སྒྲུབ་པའི་བསམ་པ་ཡིས།།
རྟག་ཏུ་གཅེས་པར་འཛིན་པར་ཤོག།
གང་དུ་སུ་དང་འགྲོགས་པའི་ཚེ།།
བདག་ཉིད་ཀུན་ལས་དམན་ལྟ་ཞིང་།།
གཞན་ལ་བསམ་པ་ཐག་པ་ཡིས།།
མཆོག་ཏུ་གཅེས་པར་འཛིན་པར་ཤོག།
སྤྱོད་ལམ་ཀུན་ཏུ་རང་རྒྱུད་ལ།།
རྟོག་ཅིང་ཉོན་མོངས་སྐྱེས་མ་ཐག།
བདག་གཞན་མ་རུངས་བྱེད་པས་ན།།
བཙན་ཐབས་གདོང་ནས་བཟློག་པར་ཤོག།
རང་བཞིན་ངན་པའི་སེམས་ཅན་དང་།།
སྡིག་སྡུག་དྲག་པོས་ནོན་མཐོང་ཚེ།།
རིན་ཆེན་གཏེར་དང་འཕྲད་པ་ལྟར།།
རྙེད་པར་དཀའ་བའི་གཅེས་འཛིན་ཤོག།
བདག་ལ་གཞན་གྱིས་ཕྲག་དོག་གིས།།
གཤེ་སྐུར་ལ་སོགས་མི་རིགས་པའི།།
གྱོང་ཁ་རང་གིས་ལེན་པ་དང་།།
རྒྱལ་ཁ་གཞན་ལ་འབུལ་བར་ཤོག།
གང་ལ་བདག་གིས་ཕན་བཏགས་པའི།།
རེ་བ་ཆེ་བ་གང་ཞིག་གིས།།
ཤིན་ཏུ་མི་རིགས་གནོད་བྱས་ནའང་།།
གཤེས་གཉེན་དམ་པར་བལྟ་བར་ཤོག།
མདོར་ན་དངོས་སམ་བརྒྱུད་པ་ཡི།།
ཕན་བདེ་མ་ལུས་ཀུན་ལ་འབུལ།།
མ་ཡི་གནོད་དང་སྡུག་བསྔལ་ཀུན།།
གསང་བའི་བདག་ལ་ལེན་པར་ཤོག།
དེ་དག་ཀུན་ཀྱང་ཆོས་བརྒྱད་ཀྱི།།
རྟོག་པའི་དྲི་མས་མ་སྦགས་ཤིང་།།
ཆོས་རྣམ་སྒྱུ་མར་ཤེས་པའི་བློས།།
ཞེན་མེད་འཆང་བ་ལས་གྲོལ་ཤོག།།
ཅེས་བློ་སྦྱོང་ཚིགས་བརྒྱད་མར་གྲགས་པའི་གདམས་པ་འདི་ནི་སྣང་བ་མཐའ་ཡས་ཀྱི་སྒྱུ་འཕྲུལ་དགེ་བཤེས་ཆེན་པོ་གླང་རི་ཐང་པས་མཛད། སརྦ་མངྒ་ལཾ། དགེའོ།། །།
རྩོམ་སྒྲིག་པ། མྱི་གསར་བ།
རྩོམ་སྒྲིག་པ། མྱི་གསར་བ།
