༢༠༡༧:༧:༢༥
གུས་པས་རྩོམ་རིག་ལ་བཅང་པའི་དུང་ཞེན”ནི། གྲོགས་པོ་ཞིག་ལ་མཛའ་བརྩེའི་རྨུ་ཐག་རིང་དུ་དཀར་བ་ལྟར་སྙིང་ཆུང་དག་གཙང་གི་ཕུལ་ཚུལ་དེ་ཡིན་ལ།“ང་དང་རྩོམ་རིག་གི་འཚོ་བའི་འབྲེལ་བ”ཀྱང་། ནམ་ཞར་མིག་ཆུ་དངའཛུམས་མདངས་ལྷན་དུ་བསུ་མཁན་གྱི་ལས་མཐུན་གང་དེ་བཞིན་འཚོ་བའི་དབུགས་དབྱུང་ས་ཞིག་ལས་མ་འདས་པས། དོན་དུ། ང་དང་རྩོམ་རིག་གི་ཡང་སྙིང་ནི་བློས་ཐུབ་ཀྱི་གྲོགས་པོ་ཞིག་གི་ཡང་སྙིང་ལགས་ན། སྔར་བཞིན་འཇིག་རྟེན་འདིའི་ཆེས་ཡིད་འོང་དུ་བརྡ་རུ་མཐོང་ཆོག་པར་ཞུས་ཡོད་དོ།།
སྲོད། ཚད་མ་གོང་མ།
མིང་མེད།
ཉི་ནུབ་ཀྱི་རྒྱབ་གཟུགས་རེ་རེས
མི་རྟག་པའི་གཏམ་རྒྱུད་འཆད
སྲོད་ཀྱིས་ལྷིང་འཇགས་ཁྲིད་རྗེས
ཁེར་རྐྱང་གི་དྲན་གཞིག་བསྩལ
མུན་པའི་ནགས་ཚལ་ནང་དུ
སྐྱོ་གར་གྱི་ཡོ་ལངས་རྩེན
རྨི་ལམ་ནང་གི་སྔངས་སྐྲག
དུར་ཁྲོད་ཀྱི་རོ་སྒྲུང་དུ་གྱུར
2020 10 5
ཕལ་བའི་ངག
འཕྲིན་ཕྲན་ལ་འཁོར་བའི་མིག་ཟུང་དེ
སྣ་ཚོགས་ཟློས་གར་གྱིས་བསླུས་ཡོད
རང་འདོད་ཆེ་བའི་སེམས་འགྱུ་དེ་ཡང
སྐྱོ་གར་ལ་ཡིད་ཆད་ཀྱང་ལྡོག་ཐབས་མ་བྱུང
ཉམ་ངའི་རྣམ་འགྱུར་ལ་ང་རྒྱལ་གྱི་སྨིན་མ་སྡུད་པ་ནི
ཆགས་སྡང་གི་ཁྲག་རྒྱུན་མ་འགག་པས་ལན་སོང
སྐད་ཆའི་གཏིང་ན་སྐྱེས་པའི་སྙིང་གཏམ
འདོད་ལྷའི་མདའ་རྩེས་རྨས་ཀྱིན་པ་མ་ཚོར
རྒྱང་རིང་ཞེས་པར་ཅི་ཡང་སྨོན་མྱོང་བ་བཞིན
ཉི་ནུབ་ཀྱི་ཕང་བར་ལུད་པ་མ་མཐོང
རང་ལ་མ་དབང་བ་དེ་དག
ལས་དབང་ལ་འཁང་ར་བྱས་པས་ཕན་ཨང་བསྙམ
ཟོ་ཆུན་འཁོར་ལོའི་དཔེ་འཇོག་རྙིང་པ་འདིས
དོན་དུ་མཚོན་དོན་ཅི་ཡང་གོ་བར་མ་གྱུར
2020.10.14 རྫོང་སར་ནས།
ནམ་མཁའ་ཇི་ལྟར་གསལ་ཡང་སྤྲིན་ཕུང་ཇི་ལྟར་དག་ཀྱང་ཉི་འོད་མེད་ན་སྙིང་པོ་གང་ཡང་མེད་་་དེ་བཞིན་ངའི་འཚོ་བ་ཇི་ལྟར་ཕུན་སུམ་འཚོགས་ཀྱང་སྙན་ངག་མེད་ན་སྙིང་པོ་གང་ཡང་མི་འདུག
བྱང་དུར་འདྲེ། ཕར་ཕྱིན་བར་མ།
ནང་མི་ཞིག་ལ་སྙིང་གཏམ་ལབ་པ
ཁྱོད་ཀྱིས་རང་གི་ནམ་མཁའ་ལ་རི་མོ་ནག་པོ་མ་འབྲི་རོགས
བྲིས་བཞག་ན
ཁ་བ་བསྟུད་མར་དབབ་འོང
འབབ་བྱུང་ན
འཚོ་བའི་ཕྱི་ནང་དག་དར་གྱིས་བཟུང་འགྲོ
ཁྱོད་ཀྱིས་རང་གི་ལག་པ་ལ་ལྕགས་ཀྱི་ལག་ཤུབ་མ་སྐོན་རོགས
སྐོན་བཞག་ན
ལག་པ་ནུས་མེད་འགྱུར་འགྲོ
གྱུར་སོང་ན
སེམས་ཀྱི་བདེ་སྡུག་དག་གཟུགས་སུ་ཕབས་མི་ཐུབ
ཁྱོད་ཀྱིས་རང་གི་མདུན་ལམ་ལ་མི་སྡུག་པའི་ས་བོན་མ་བཏབ་རོགས
བཏབ་བཞག་ན
མ་རུང་པའི་མྱུ་གུ་སྐྱེས་འོང
སྐྱེས་བྱུང་ན
མདུན་ལམ་གྱི་མཛེས་པ་མཐའ་དག་བཅོམ་འགྲོ
2020/10/12
རྩོམ་རིག་ནི། ནང་སེམས་ཀྱི་དགའ་སྐྱོ་ཆགས་སྡང་གི་ཚོར་བའི་རི་མོ་འབྲི་ས་ཞིག་དང་། སྐྱིད་སྡུག་མཉམ་དུ་ཁུར་བའི་ཚེ་གཅིག་གི་སྐྱ་ཡ་ཞིག་ཏུ་སྒོམ་ཡོད། རྩོམ་རིག་ནི་ཁེར་རྐྱང་གི་མི་ཚེའི་བརྒྱུད་རིམ་ཁྲོད་ནས་དགའ་སྡུག་གཉིས་ཀྱི་དྲན་པ་འཕྱོ་ས་ཡིན།།
རྣལ། ཚད་མ་འོག་མ།
རྩྭ་ཐང་།
འདས་པ།
ནམ་མཁའི་ལྭ་བ་གྱོན་པའི་ལྗང་མདོག་གི་འཇིག་རྟེན
ལོ་ཟླ་ཧྲིལ་བོ་ཉི་ཟླའི་འོད་ལས
དྲི་ནག་གིས་གབ་པའི་ཁྱོད་ཀྱི་ངོ་གདོང་
བྱིས་པ་སྣབ་ལུགས་ཚོས་ཡང་ཡང་བཀྲུ་དོན
འབག་བཙོག་གིས་བསླད་པའི་འཇིག་རྟེན་གཞན་ཞིག་ཏུ་མི་འགྱུར་ཆེད་ཡིན
ད་ལྟ།
དུག་རླངས་ཕོག་པའི་འཇིག་རྟེན་གྲུ་གསུམ་མ
རལ་གྲིས་གཏུབ་པའི་ལྭ་བ་དྲལ་བོ་ཞིག་ལྟར
རྫས་སྦྱོར་འདྲེས་མའི་བྱུག་རྫས་རེ་བྱུགས་ཏེ
ངོ་གདོང་རྨས་ནས སྲན་ནད་ཕོག་ཅིང་
འཆི་ལ་ཉེ་བའི་འུ་ཅག་གི་རྟེན་གཞི
མ་འོངས་པ།
སྔོ་ལྟེམས་ལྟེམས་ཀྱི་མཚོ་མོས་སྨྲེང་ཚིག་གྱེར་ཞིང་
རང་རློམ་ཆེ་བའི་ཞི་ལ་ཚོས་ཡིད་ཆད་ལ་འགྱོད་ཚིག་བསྣན་ནས
ད་ལྟ་ དྭངས་གཙང་གི་ཆུ་བོ་ཞིག་དང་
ལྷད་མེད་ཀྱི་རྩྭ་ཐང་ཞིག་ཡོད་པས་ཆོག
ཅེས་སྨྲ་བའི་<< ཡིད་ཆད་ >>ཀྱི་དུས་ཤིག་ཏུ་འགྱུར་ན་ཐང་
2020 10 5
ངས་སྙན་ངག་ལ་རྟ་ཕོ་ཞིག་གི་འདུ་ཤེས་བཞག་ཡོད།
ཆང་། ཚད་མ་གོང་མ།
ཉམ་ང་བའི་གླུ།
ང་ལ་དབུལ་ཕོངས་དང་སྡུག་བསྔལ་མ་གླེང་།
དུས་ཚོད་ནི་སྐྱེ་འཆི་ཁོ་ནས་གྲུབ་པ་ཞིག
ཐ་མག་རྐང་གཅིག་པོ་འདི་ཟད་རྗེས།
ངས། རང་ཉིད་ལ་ཅིས་ཀྱང་ལ་གྱེས་ཕྱག་ཞུ་འོས།
འབྱུང་འགྱུར་ནི་དུས་ཚོད་ལ་དབང་བས།
ང་ལ་གནས་ལུགས་དང་འགན་འཁྲི་མ་འདྲི།
ངས་རང་ཉིད་ལ་ལྷིང་འཇགས་ཀྱི་དུར་ས་ཞིག་ལས།
ཅི་ཡང་འཐོབ་པར་རེ་བ་འདོན་མི་སྲིད།
མི་ཚེ་སྐྱིད་སྡུག་གི་ཚང་དུ་གནས་པས།
ཁྱོད་ཀྱིས་མ་འོངས་པའི་སྟོང་སེམས་མ་བཅང་རོགས།
དབྱར་ཟླ་ཧྲིལ་པོ་འདི་ཟད་རྗེས།
ཁྱོད་ལ། ཆང་ཕོར་སྟོང་པ་ལྟ་བུའི་ཕྱིར་དྲན་ཞིག་ལས་ཅི་ཡང་ཐོབ་མི་སྲིད།
ཝེ་གྲོགས་པོ།
སྟོང་སེམས་ཀྱི་གླུ་ཞིག་ལོང་དང་།
གཞས་ཚིག་ང་ཡིས་འབྲི་ཆོག།
དུས་ཚོད་སྐྱེ་མཆིའི་གྲུབ་ཅིང་།། མི་སེམས་རླུང་པོ་གཡོར་འདྲ། །
2020.9.15ཉིན་རྫོང་སར་ནས།
རྩོམ་སྒྲིག་པ། གསར་བ།
མཐོང་གྲོལ་དྲ་རྩོམ་དག་རྩོམ་བདག་དང་དྲ་བདག་གིས་ཆོག་མཆན་མེད་པར་རང་དགར་མི་འཁྱེར་བར་མཁྱེན།
Signature is customized by Netease