སེ་འབྲུ་ཞིག

    ཡིག་སྒྱུར་བ། སྙིང་བྱམས་ཚེ་རིང་།


རྩོམ་པ་པོ།
          ཡ་སོན་ནར་རེའུ (Kawabata Yasunari) ནི༡༨༩༩ལོའི་ཟླ༦པའི་ཚེས༡༡ཉིན་འཇར་པན་གྱི་ཨོའུ་ས་ཁར(Osaka) ནས་སྐྱེས་པ་དང༡༩༧༢ལོའི་ཟླ༧པའི་ཚེས༡༦ཉིན་སྐུ་གཤེགས། འཇར་པན་གྱི་མིང་དུ་གྲགས་པའི་བརྩམས་སྒྲུང་པ་དང་ཚོར་གསར་རིང་ལུགས་པའི་སྣེ་མཚོན་མི་སྣ། ༡༩༦༨ལོར་འཇར་པན་གྱི་ནོར་པེལ་རྩོམ་རིག་བྱ་དགའ་ཐོག་དང་པོ་འཐོབ་མཁན་དུ་གྱུར་བ་དང་། ཡ་གླིང་ནས་ཐའེ་ཀོར་དང་ཨཱར་གེ་ནུང་གི་རྗེས་ཀྱི་ནོར་པེལ་བྱ་དགའ་འཐོབ་མཁན་གསུམ་པ་བ་ཡིན། “ཕུལ་དུ་བྱུང་བའི་ཞིབ་འབྲིའི་ཡོན་ཏན་དང་ཚོར་ཤེས་རྐྱེན་པོ་ཡིས་འཇར་པན་མི་མང་གི་རྣམ་ཤེས་ཕྲ་མོ་དེ་ཡིག་ཕྲེང་དུ་གསལ་བོར་བཀྲམས་འདུག” འདི་ནི་ཁོང་གི་བརྩམས་ཆོས་ཡོངས་ལ་གནང་པའི་གདེང་འཇོག་དང“ཆོ་ལོ”ཡིན་ཞིང་། དེར་མ་ཟད་ཁོང་གིས་ནམ་རྒྱུན་རང་གི་བརྩམས་ཆོས་ནང་འཆི་བར་མཛེས་བཟོ་བྱས་ཏེ་མི་དང་རང་བྱུང་། སྟོང་པའི་བར་མཉེས་གཤིན་གྱི་ཕོ་ཉ་པ་ཞིག་འཚོལ་བཞིན་ཡོད་ཅེས་རྟག་ཏུ་བརྗོད། མཚོན་བྱེད་བརྩམས་ཆོས་ལ་ཁ་བའི་རྒྱལ་ཁམས།དངགནའ་གྲོང》《གཉིད་དུ་ཡུར་པའི་མཛེས་མསོགས་མང་ངོ་།།


སེ་འབྲུ་ཞིག

              ཡ་སོན་ནར་རེའུ་ཡིས་བརྩམས།
                          སྙིང་བྱམས་ཚེ་རིང་གིས་བསྒྱུར།


       མདང་ནུབ་ཀྱི་རླུང་གིས་སེ་འབྲུའི་སྡོང་བོ་གཅེན་བུར་བཟོས་ཤིང་ལོ་མ་རྣམས་དེའི་ཉེ་འདབས་སུ་གཏོར་འདུག  ཞོགས་པར་ཁའེ་མེའེ་ཁཱོ་ཡིས་དེ་མཐོང་བ་ན་ས་དེ་གར་ཧོན་འཐོར་བ་བཞིན་ལུས་ལ། གྲ་མི་ཉམས་པའི་སྡོང་ལོའི་མུ་ཁྱུད་ཀྱིས་མོའི་སོམ་ཉི་བསྐྱེད་པར་བྱས་ཤིང་། ཡང་འདུན་པ་དྲག་པོ་ཞིག་གིས་སྡོང་ལོའི་མུ་ཁྱུད་དེའང་རླུང་ལ་བཅོལ་ནས་ཤུལ་མེད་དུ་གཏོང་བའི་འདུན་པ་ཞིག་དབང་མེད་དུ་སྐྱེས།  སྡོང་བོའི་རྒྱབ་ལོགས་སུ་སེ་འབྲུ་ལེགས་པོ་ཞིག་ལུས་འདུག
མོས་རང་གི་ཨ་མར“འདིར་ཤོག་ནས་ལྟོས་དང་།”ཞེས་བོས།
ཨ་མས་མགོ་བོ་ཡར་དགྱེ་ནས་སྡོང་བོར་མིག་བཤེར་ཞིག་རྒྱག་བཞིན། ངས་དེ་སྔ་མོ་ནས་བརྗེད་སོང་ཟིག་ཅེས་ཟེར་ཞོར་ཅི་མི་སྙམ་པའི་ངང་ཕྱིར་གཡོས་ཁང་དུ་འཛུལ་སོང་།  སྣང་ཚུལ་འདིས་ཁའེ་མའེ་ཁཱོ་ལ་ཁོང་མ་བུ་གཉིས་ཀྱི་འཚོ་བའི་བབ་ཆགས་དེ་ཚོར་དུ་བཅུག་ལ། ཉི་ཁྱམས་ནས་ཕར་བལྟས་ཚོད་ཀྱིས་སེ་འབྲུ་དེའང་ཡལ་བར་དོར་ཅིང་གཅིག་པུར་ལུས་པར་སྣང་།  བདུན་ཕྲག་གཉིས་ཀྱི་སྔོན་དུ། ལོ་ན་བདུན་ལ་སོན་པའི་མོའི་ཚ་བོ་ཁོང་མ་བུ་གཉིས་ལ་བསྐོར་རྒྱག་ཏུ་ཡོང་བ་རེད། ཚ་བོས་སེ་འབྲུ་དེ་མཐོང་མ་ཐག་མྱུར་མོར་སྡོང་མགོར་འགོས་ནས་བཏོག་རྩིས་བྱས་ལ། ཁའེ་མེ་ཁཱོ་ཡིས་སྣང་བརྙན་དེ་མིག་ལམ་དུ་སྣང་རྗེས། མོ་ནི་ཚེ་སྲོག་གི་སྣང་བརྙན་གསོན་པོ་ཞིག་དང་ཁ་གཏད་པའི་ཚོར་འདུ་ཞིག་སྦྱིན།
མོ་ཀ་ཕིབས་སུ་བསྡད་དེ“རྩེ་མོ་ནའའང་གཅིག་ཡོད་ཀི”ཞེས་བོས།
“འོན་ཀྱང་ངས་དེ་བཏོག་ན་ཕྱིར་འབབ་ཐུབ་རྒྱུ་མ་རེད།”
ཁའེ་མའེ་ཁཱོ་ཡི་གདོང་ལ་འཛུམ་ཞིག་དམུལ་བ་དང་། རེད་དེ། མོས་ཀྱང་ལག་པ་ཟུང་ལ་སེ་འབྲུ་རེ་བཟུང་ནས་མར་འབབ་རྒྱུ་ནི་ལས་སླ་བོ་ཞིག་མིན་པར་འདོད། ཁོ་ནི་ཇི་འདྲའི་སྙིང་རྗེ་བོ་འདུག གང་ལྟར་ཁོ་ནང་མ་ཁང་དུ་ཐོན་པ་ནས་བཟུང་སེ་འབྲུ་དེ་དྲན་པའི་ཡོལ་ངོས་ནས་བོར་སོང་བར་སྣང་། དེར་མ་ཟད་ཁྱིམ་གྱི་ནང་མི་གཞན་དག་གིས་ཀྱང་སྣང་མེད་དུ་བསྐྱུར་བར་འདྲ་སྟེ། ཕལ་ཆེར་སིལ་འབྲུ་དེ་ལོ་མའི་གསེབ་ཏུ་ཡོད་པས་མཐོང་ལམ་དུའང་མངོན་པར་དཀའ་བས་ཡིན་ཤས་ཆེ་ལ། ད་ནི་ཕར་བལྟས་ཚོད་ཀྱིས་སིལ་འབྲུ་དེ་ནི་ཨ་སྔོན་དབྱིངས་དང་ཁ་གཏད་དུ་གསལ་བོར་མངོན་འདུག་གོ །  ཤིན་ཏུ་སྨིན་ཐག་ཆོད་པའི་ཤིང་འབྲས་དང་ད་དུང་དེའི་མཐིལ་གྱི་ལོ་མའི་དཀྱིལ་འཁོར་གསོན་ཤུགས་ཀྱིས་ཁེངས་འདུག རེ་ཞིག་ན་ཁའེ་མེ་ཁཱོ་ཡིས་སྨྱུག་ཤིང་ཞིག་བཟུང་ཞིང་ཐེངས་འགར་བརྡབས་པ་ན། ཤིང་འབྲས་ཐང་ལ་ལྷུང་ཞིང་སོན་འབྲུ་དག་བཙན་གྱིས་ཕྱིར་བཏོད་པའང་མཚུངས། དེ་ཀ་ཕིབས་སུ་ཁྱེར་ཡོང་བ་ན། ཉི་མའི་འོག་ཏུ་སོན་འབྲུ་དག་ལས་བཀྲག་མདངས་ཤིག་མངོན་ཞིང་།  ཉི་མའི་འོད་ཟེར་ཡང་དེ་དག་གི་ཁྲོད་ནས་ཐོག་པ་མེད་པར་མཆེད་པར་སྙམ།  མོར་རེ་ཞིག་ཅི་ཡིན་ཆ་མི་འཚལ་བའི་བཟོད་གསོལ་ཞིག་སྐྱེས།  ཆུ་ཚོད་བཅུའི་ཡས་མས་སུ་མོས་སྟེང་ཁང་དུ་འཚེམ་ལས་བྱེད་བཞིན་པའི་སྐབས་ཁཱ་ཁའེ་ཆི་ཡི་སྐད་ཐོས་པ་དང་། ཁོ་སྔོན་མ་དང་འདྲ་བར་ཟྭ་བརྒྱབ་མེད་པའི་སྒོ་ཆུང་དེ་བརྒྱུད་ནས་ཁྱིམ་གྱི་ལྡུམ་རར་སླེབས་འདུག  ཞིབ་མོར་ཉན་ཚོད་ཀྱིས་ཁོ་ནི་རྟབ་རྟབ་པོར་སྣང་།
ཨ་མས“ཁའེ་མའེ་ཁཱོ། ཁའེ་མའེ་ཁཱོ།”ཞེས་བོས་ལ་“ཁཱ་ཁའེ་ཆི་ཡོང་འདུག”ཅེས་བརྗོད།  ཁའེ་མེ་ཁཱོ་ཡིས་ཐོས་པ་ན་དེ་མ་ཐག་ཏུ་ཁབ་སྐུད་རྒྱུ་མཚམས་བཞག་ཅིང་ཅ་ལག་དག་ཕྱིར་སྣོད་དུ་བཅུག
“ཁའེ་མེ་ཁཱོ་ཡིས་མོ་རང་ཁྱོད་དང་མ་གྱེས་པའི་སྔོན་དུ་འཕྲད་པའི་འདུན་པ་དེ་རྟག་པར་ང་ལ་བཟླས།” ཁཱ་ཁའེ་ཆི་མི་རིང་བར་གཡུལ་དུ་འགྲོ་གྲབས་འདུག
“འོན་ཀྱང་ངེད་མ་སྨད་གཉིས་མགྲོན་འབོད་མིན་པར་ཁྱོད་ལ་བལྟ་རུ་འགྲོ་པར་ཁག་པོ་རེད། དེར་མ་ཟད་ཁྱོད་ཀྱང་འདིར་ཡོང་མ་ཐུབ་པས་དེ་རིང་འཛོམས་པ་འདི་དངོས་གནས་ཡག”
  “མོས་ཁོ་ལ་གུང་ཚིགས་བཞེས་པར་ཡང་དུ་བསྐུལ་མོད་ཁོ་ནི་ཤིན་ཏུ་རིངས།”
  “འོ་ན་མ་མཐའ་ཡང་སིལ་འབྲས་ཤིག་ཟོ་དང་། ངེད་ཚང་ནས་ཐོགས་པ་ཤ་སྟག་ཡིན།” དེར་མཐུད་མོས་ཡང་བསྐྱར་ཁའེ་མེ་ཁཱོ་འབོད་པར་བརྩམས།  ཅུང་མ་འགོར་བར་ཁོས་ཁའེ་མེ་ཁཱོ་མཐོང་བ་ཐག་འཚམས་འདྲི་ཞུ་བའི་ཚུལ་གྱིས་མིག་བརྡ་ཞིག་བསྟན་པ་དང་།  ཁོས་མོ་སྐས་རིམ་ལས་འབབ་པ་དེའང་ཅི་འདྲའི་ཡུན་རིང་བ་ཞིག་ཡིན་པར་སྣང་ལ། མོས་ཀྱང་དེ་ཚོར་བ་དང་འདྲ་བར་འགྲོ་མཚམས་བཞག་ནས་ས་དེར་བསྡད་པ་རེད།  གློ་བུར་དུ་ངོ་འཕྲད་པའི་ཡིན་ནམ་ཡང་ན་ཐོལ་བྱུང་གི་སེམས་འགྱུ་ཞིག་གིས་ཡིན། གང་ལྟར་ཁོའི་མིག་ཟུང་དྲོད་ལམ་ལམ་དུ་སྣང་ལ་ལག་གི་སིལ་འབྲས་ཀྱང་ཐང་ལ་ལྷུང་སོང་།  ཁོང་གཉིས་ཀྱི་གདོང་ནི་འཛུམ་གྱིས་གྲོལ་ཞིང་། ཁའེ་མེ་ཁཱོ་ཡིས་དེ་ཚོར་བ་དང་འདྲ་བར་ངོ་གནོངས་པའི་ཚུལ་གྱིས་གདོང་ཡང་དམར་པོར་གྱུར་སོང་། གང་ལྟར་ཅུང་མ་འགོར་བར་ཉི་ཁྱམས་སུ་བསྡད་ཡོད་པའི་ཁཱ་ཁའེ་ཆི་ནི་བྲལ་པར་བརྩམས།
  “ཁཱ་ཁའེ་ཆི་ལགས། རང་ཉིད་ལ་བདག་སྐྱོང་ཡག་པོ་གནང་རོགས།”
  “ཁྱོད་ཀྱང་དེ་བཞིན་ནོ།།”
ཁོ་ལམ་དུ་ཞུགས་པ་རྗེས་མགོ་བོ་ཕྱིར་འཁོར་ནས་བདེ་མོ་ཞོར་གྱེས་སོང་། འོན་ཀྱང་ཁའེ་མའེ་ཁཱོ་ནི་ཁོ་རྒྱང་ལ་ཕྱིན་ཤུལ་དུའང་། སིལ་རའི་སྒོ་ཆེན་གྱི་ཕྱོགས་སུ་ཅེར་བཞིན་མི་མངོན་པའི་གནས་སུ་ཅི་ཞིག་འཚོལ་བཞིན་པར་སྣང་།
  ཨ་མས“ཁོ་ནི་ཇི་འདྲའི་འཚུབ་ཆ་ཞིག་དང་བསྡོངས་ཡོད་པ་རེད་ཨང་།”དེར་མཐུད“ཇི་འདྲའི་སིལ་འབྲུ་ཡག་པོ་ཞིག་རེད།”ཅེས་ཟེར།  སིལ་འབྲུ་དེ་ད་དུང་ཁྱམས་ར་ན་ལུས་འདུག་ལ། ཕར་ཆེར་ཁཱ་ཁའེ་ཆི་ཡིས་དེ་ཟ་གྲབས་བྱེད་དུས་ཁའེ་མའེ་ཁཱོ་ཡོང་བ་མཐོང་བས་ཐང་ལ་ལྷུང་བས་ལོས་ཡིན། ཁོས་སེ་འབྲུ་ཧྲིལ་བོ་ཟས་ཚར་མེད་མོད་འོན་ཀྱང་ཤིན་ཏུ་སྨིན་ཐག་ཆོད་པའི་རྐྱེན་གྱིས་སོན་འབྲུ་དག་ནི་ཕྱིར་འབུད་ལ་ཁད་དུ་འདུག  ཨ་མ་ལགས་ཀྱིས་གཡོས་ཁང་ནང་སིལ་འབྲུ་དེ་བཀྲུས་ནས་ཁའེ་མེ་ཁཱོ་ལ་བྱིན།  ཁའེ་མེ་ཁཱོ་ཡིས་གཉེར་མ་བསྡུས་ཤིང་གདོང་ཡང་དམར་པོར་གྱུར་འགོ་བརྩམས་ལ་སིལ་འབྲུ་ཕྱིར་སྤྲོད་རྩིས་བྱས། གང་ལྟར་མཐའ་མར་འཐད་ལ་མི་འཐད་པའི་ངང་ལག་ཏུ་བླངས་ཤིང་། ཁཱ་ཁའེ་ཆི་ཡིས་སོན་འབྲུ་འགའ་མ་གཏོགས་ཟས་མེད་པ་མཐོང་།  སྐབས་དེར་ཨ་མས་ཁའེ་མེ་ཁཱོ་ལ་བལྟས་འདུག་པས་མོ་ནི་ངོ་མི་ཆོད་པར་སྣང་ལ། མོས་དེ་ཟོས་པ་ན་འགྲམ་པ་གང་བོར་སྐྱུར་མོའི་རང་བཞིན་ཅན་ཞིག་གིས་ཁེངས་པ་དང་། དགའ་སྐྱོ་སྤེལ་མའི་ཚོར་བ་རྣོན་པོ་ཞིག་གིས་མོའི་དོན་ལྔ་སྣོད་དྲུག་བརྟོལ་བཞིན་པར་མཚུངས།  ཨ་མ་ནི་དོ་སྣང་སྤུ་ཙམ་མེད་པ་དང་འདྲ་བར་མེ་ལོང་གི་ཕྱོགས་སུ་སོང་ནས་བསྡད།
“འདིར་ཤོག་ནས་ངའི་མགོར་ལྟོས་དང་། གྲ་མི་ཉམས་པའི་བཟོ་ལྟ་འདི་ལྟ་བུས་ཁཱ་ཁའེ་ཆི་ལ་བདེ་མོ་བཞག་པ་རེད།”
ཁའེ་མེ་ཁཱོ་ཡིས་ཨ་མས་སྐྲ་ཤད་པའི་སྒྲ་ཐོས་ཐུབ།  མོས་ཡང་བསྐྱར་ངག་འཇམ་པོས་ངང“ཁྱོད་ཀྱི་ཕ་འདས་རྗེས་ང་ནི་སྐྲ་ཤད་པར་ཡང་འཇིགས་པར་སྣང་ལ། སྐྲ་ཤད་སྐབས་བླ་འཁྱམས་པ་ལྟར་གང་དྲན་ཅི་དྲན་མེད་པར་འགྱུར།  ཡང་མ་བརྟག་སེམས་ཀྱི་འཆར་ཚུལ་ཞིག་ལ། ཁོས་ད་དུང་ངའི་སྐྲ་ཤད་ཚར་རག་བར་སྒུག་ཡོད་པའི་སྣང་བ་སྐྱེས།”  ཨ་མས་ཨ་ཕ་ཡི་ཟས་མ་ཚར་བ་རྣམས་བདག་བྱེད་པའི་གོམས་གཤིས་དེ་ཁའེ་མེ་ཁཱོ་ཡི་སེམས་སུ་ཝ་ལེར་ཡོད་དེ། དེ་དག་དྲན་པའི་ཡོལ་ངོས་སུ་འཆར་དུས་མོའི་སྣང་ངོར་གཟུགས་མེད་ཀྱི་སྟོབས་ཤུགས་ཤིག་གིས་མོ་འཐེན་བཞིན་པར་སྣང་ལ། བདེ་སྐྱིད་ཀྱི་འདུན་པ་ཞིག་གིས་མོ་རང་མིག་ཆུ་འཕོ་བར་བྱས།
ཨ་མར་སྔོན་ཆད་ནས་དངོས་པོ་གང་འདོད་དུ་མར་འཕེན་པའི་གོམས་གཤིས་མེད་དེ།  ད་ཐེངས་ཁའེ་མེ་ཁཱོ་ལ་སིལ་འབྲས་དེ་བྱིན་པའང་རྒྱུ་རྐྱེན་འདི་ལས་མ་འདས།  ཁའེ་མེ་ཁཱོ་ནི་ཨ་མའི་མདུན་དུ་ངོ་གནོངས་མོད་གང་ལྟར་སྐབས་དེའི་བདེ་སྐྱིད་ནི་མོ་གཅིག་པུར་དབང་།  ཁཱ་ཁའེ་ཆི་དང་བདེ་མོ་འཇོག་སྟངས་དེ་ནི་ཁོས་དྲན་ཚོར་ལས་བརྒལ་བ་ཞིག་ཡིན་སྲིད་ལ། འོན་ཀྱང་མོས་ཁོར་སྒུག་པའི་ཆོད་སེམས་དྲག་པོ་ནི་ལོ་ཟླ་ཡི་འཁོར་འགྲོས་ཀྱིས་ག་ལ་ཟད།
མོའི་མིག་ཟུང་ཨ་མའི་ཕྱོགས་སུ་འཁོར་སོང་།  དེ་དུས་ཉི་ཟེར་ནི་ཨ་མ་སྡོད་སའི་མེ་ལོང་རྒྱབ་ཀྱི་ཤོག་སྒོའི་ངོས་སུ་བརྒྱབ་འདུག
གང་ལྟར་སེ་འབྲུ་དེ་ད་དུང་མོའི་པུས་མོའི་སྟེང་ལུས་འདུག་གོ །


(མ་རྩོམ)
 
    The Pomegranate
             By Kawabata Yasunari (Japan)

 In the high wind that night the pomegranate tree was stripped off its leaves. The leaves lay in a circle around the base.
Kimiko was startled to see it naked in the morning, and wondered at the flawlessness of the circle. She would have expected the wind to disturb it.
There was a pomegranate, a very fine one, left behind in the tree.
“Just come and look at it.” She called to her mother.
“I had forgotten.” Her mother glanced up the tree and went back to the kitchen.
It made Kimiko their loneliness. The pomegranate over the veranda too seemed lonely and forgotten.
Two weeks or so before, her seven-year-old nephew had come visiting, and had noticed the pomegranates immediately. He had scrambled up into the tree. Kimiko had felt that she was in the presence of life.
“There is a one up above.” She called from the veranda.
“But if I pick it I can’t get back down.”
It was true. To climb down with pomegranates in both hands would not be easy, Kimiko smiled. He was dear. Until he had come the house had forgotten the pomegranate. And until now they had forgotten it again. Then the fruit had been hidden in the leaves. Now it stood clear against the sky.
There was strength in the fruit and in the circle of the leaves at the base. Kimiko went and knocked it down with a bamboo pole. It was so ripe that the seeds seemed to force it open. They glistened in the sunlight when she laid it on the veranda, and the sun seemed to go on through them.
She felt somehow apologetic.
Upstairs with her sewing at about ten, she heard Keikichi’s voice. Through the door was unlocked, he seemed to have come around to the garden.
There was a urgency in his voice.
“Kimiko, Kimiko!” her mother called. “Keikichi is here.”
Kimiko had let her needle come unthreaded. She pushed it back into pincushion.
“Kimiko had been saying how she wanted to see you again before you leave.”
Keikichi was going to war.
“But we could hardly go and see you without an invitation, and you didn’t come. It was good of you to come today.”
She asked him to stay for lunch, but he was in a hurry.
“Well, do at least have a pomegranate. We grew it ourselves.” She called up to Kimiko again.
He greeted her with his eyes, as if it were more than he could do to wait for her to come down. She stopped on the stairs.
Something warm seemed to come into his eyes, and the pomegranate fell from his hand.
They looked at each other and smiled. When she realized that she was smiling, she flushed. Keikichi got up from the veranda.
“Take care of yourself, Kimiko.”
“And you.”
He had already turned away and was saying good bye to her. Kimiko looked on at the garden gate after he had left.
“He was in such a hurry,” said her mother. “And it’s such a fine pomegranate.”
He had left it on the veranda. Apparently he had dropped it as that warm something came into his eyes and he was beginning to open it. He had not broken it completely in two. It was lay with seeds up.
Her mother took it to the kitchen and washed it, and handed it to the Kimiko.
Kimiko frowned and pulled back, and then flashing once more, took it in with some confusion. Keikichi would seem to have taken a few seeds from the edge.
With her mother watching her, it would have been strange for Kimiko to refuse to eat. She bit nonchalantly into it. The sourness filled her mouth. She felt a kind of sad happiness, as if were penetrating far down inside her.
Uninterested, her mother had stood up. She went to a mirror and sat down.
“Just look at my hair, will you. I said good bye to Keikichi with this wild mop of hair.”
Kimiko could hear the comb.
“When your father died,” her mother said softly, “I was afraid to comb my hair. When I combed my hair I would forget I was doing. When I came to myself it would be as if your father waiting for me to finish.’’
Kimiko remembered her mother’s habit of eating what father had left on his plate. She felt something pull at her, a happiness that made her want to weep.
Her mother had probably given her the pomegranate because of a reluctance to throw it away. Only because of that. It had become a habit not to throw things away.
Alone with her private happiness, Kimiko felt shy before her mother.
She thought that it been a better farewell than Keikichi could have been aware of, and that she could wait any length of time for him to come back.
She looked toward her mother. The sun was falling on the paper doors beyond which she sat at her mirror.
She was somehow afraid to bite into the pomegranate on her knee.

                       རྩོམ་སྒྲིག་པ། མྱི་གསར་བ།


          མཐོང་གྲོལ་དྲ་རྩོམ་དག་རྩོམ་བདག་དང་དྲ་བདག་གིས་ཆོག་མཆན་མེད་པར་རང་དགར་མི་འཁྱེར་བར་མཁྱེན།


Signature is customized by Netease