སྙིང་ཉེ་བའི་རི་མོ་བ།
རྩོམ་པ་པོ། ཞྭ་ནག་པ།
རྩོམ་པ་པོ། ཞྭ་ནག་པ།
ཞྭ་ནག་པ། གསེར་རྟ།
ཆེས་ཐོག་མར
ཁྱོད་ཀྱིས་ང་རང་འབྲི་དུས
ང་ནི་རབ་རིབ་མག་མོག་ཅིག་རེད
སྙིང་ཉེ་བའི་རི་མོ་བ་ལགས
ཁྱོད་ཀྱིས་ང་ལ་ཅི་ཡང་སྟེར་ན་ཆོག་མོད
ང་ལ་མཁོ་བ་དེ་ཁྱོད་ཀྱིས་ང་རང་དྲན་ཆོག་པའི་སེམས་པ་དེ་ཡིན
དུས་ཚོད་འདིར
ངས་འུ་གཉིས་ཀ་ས་གཞི་གཅིག་གི་ཐོག་ཏུ
མེ་ཏོག་བཞིན་བཞད་པར་བྱས་པས
བདེ་སྐྱིད་ཅེས་པར་ངས་གསོལ་བ་འདེབས་ཆོག
༢༠༢༡-༨-༣ཉིན།
རི་མོ།
སེམས་ཀྱི་མེ་ལོང་དེར
ངས་སྔོན་ནས་སྙིང་ཉེ་བའི་རི་མོ་ཞིག་བྲིས་ཟིན
དུས་ཚོད་ཅིག་གི་ཡང་སྙིང་མཐའ་དག
ཁྱོད་ཀྱི་རྨི་ལམ་དང་འབྲེལ་བ་མེད་པར་བྱས་ཟིན
ངའི་ཡོད་ཚོད
ཁྱོད་དང་རིང་དུ་གྱེས་པར་བྱས་ཟིན
༢༠༢༡-༡༠-༢༨ཉིན།
གངས་ཀྱི་ཕ་རོལ།
གངས་ཀྱི་ཕ་རོལ་ཏུ
མི་སེར་གྱི་སེམས་པ་ལུས
ཉི་འོད་དང་བྲལ་བའི་ས་གཞི་ཞིག་ཏུ
མིག་ཆུའི་གཙང་བོ་བྲུག
ངས་རྒྱང་རིང་རྒྱང་རིང་ཞིག་ཏུ
སེམས་པ་ལུས་དོན
རྒས་དྲག་པའི་མི་ཞིག་བརྗེད་མ་ཐུབ་པས་ཡིན
༢༠༢༡-༩-༡༦ཉིན།
རྩོམ་སྒྲིག་པ། འཕགས་མི།
Signature is customized by Netease