འདུ་བྲལ།
རྩོམ་པ་པོ། གངས་གཞུག་ཐར།
རྩོམ་པ་པོ། གངས་གཞུག་ཐར།
འདུ་བྲལ། སྙན་ཚོམས།
གངས་གཞུག་ཐར།
01 ཐུག་འཕྲད།
བར་ཐག་གི་རི་མོ་དག་རིམ་བཞིན་མི་མངོན་པར་གྱུར
རྒྱུད་སྐུད་སང་སེང་དུ་འཁྲོལ་བའི་སེམས་པ
མེ་ལོང་དང་གཙང་བོར་སྡེབ་ནས་ཁྱོད་ཀྱི་ཕྱོགས་ལ་གཏད
02 སྐད་ཆ།
ཡུན་རིང་བྱང་སྟོད་དུ་སྙལ་བའི་ནས་ཆང
བཟི་ཁ་ཚ་བའི་བརྩེ་བ་དང་འདྲེས
ཁྱེད་དང་ལན་གཅིག་འཕྲད་པས
སྐད་ཆ་ཟེར་བའང་ལྷག་པར་མི་འདུག
ཡེ་སངས་བར་གྱུར
དྲན་པ་དང་གདུང་བ་ཁད་ཀྱིས་ཡེ་སངས་བར་གྱུར
དེ་ལྟར་ནའང
དུང་ཞེན་ཁོ་ན་མེ་སྟག་ལྟར་ཚ་ལམ་མེར་མཆེད
03 གྱེས་པ།
མངོན་ཆུང་གི་བྱད་གཟུགས་མིག་གིས་ཟིན་པ་མེད་ཀྱང
མི་སྡུག་པ་མང་པོ་དང་རིང་དུ་གྱེས་པས
མཛེས་སྡུག་གི་ཁུད་དུ་བཏུམས་ནས་ཞེ་རུ་གསལ་ལེར་ཤར
2020/7/23/
རྩོམ་སྒྲིག་པ། བསམ་འགྲུབ་རྒྱལ།
མཐོང་གྲོལ་དྲ་རྩོམ་དག་རྩོམ་བདག་དང་དྲ་བདག་གིས་ཆོག་མཆན་མེད་པར་རང་དགར་མི་འཁྱེར་བར་མཁྱེན།
Signature is customized by Netease