དོ་ནུབ། ང་ཆང་གིས་བཟི་སོང་ན།
རྩོམ་པ་པོ། བཙན་པོའི་ཕོ་ཉ།
དོ་ནུབ། ང་ཆང་གིས་བཟི་སོང་ན། ཞར་བཀོད་གཅིག་ཡོད།
བཙན་པོའི་ཕོ་ཉ།
བརྗོད་བྱང་།
＿＿＿＿ནམ་མཁའ་ལྟ་བུའི་དཀྱེལ་ཡངས་ཀྱི་ཁམས་འདིར
རྣ་བ་ལག་གིས་བསྐྱོར་ཏེ་མཉན་བྱའི་སྒྲ་དབྱངས་ཤིག་ཡོད་དམ
༡
དོ་ནུབ ང་ཆང་གིས་བཟི་སོང་ན
ངའི་སེམས་ཀྱི་ཟབ་ས་ན་སྦས་པའི་སྙིང་གཏམ་དེ་དག
སུ་ཞིག་ལ་འཆད སུ་ཞིག་ལ་འཆད
སུ་ཞིག་གིས ངའི་སྙིང་གཏམ་དེ་དག
སེམས་ཀྱི་ཟབ་ས་ནས་ཕྱུང་བར་ཁས་ལེན་གྱིས
ཞིབ་པར་གསན་ནམ
༢
དོ་ནུབ ང་ཆང་གིས་བཟི་སོང་ན
ནམ་མཁའ་ཁྱེད་ཀྱིས ཟླ་བ་ཁྱེད་ཀྱིས
ནམ་མཁའ་ལ་བྱེར་བའི་སྐར་མའི་ཀོ་གྲུ་དེ་དག་གིས
ཟླ་འོད་ཀྱི་དཀར་འཇམ་ལ་རྩེན་པའི་རང་དབང་གི་རླུང་གཤོག་དེས
བདག་གི་སྙིང་གཏམ་ལ་ལན་ཅིག་གསན་རོཊ
བདག་གི་རྨི་ལམ་གྱི་རྒྱབ་རི་སྨུག་པོར
འཇའ་ཚོན་དང་སྤྲིན་དཀར་བསྣབས་པའི་ནམ་མཁའ
དེ་ལ་འཁོར་བའི་བྱ་རྒྱལ་དང་ཀླུང་རྟ
དེ་རིང་ཡང དྭངས་གཙང་གི་གྲུ་ཁ་ཆུང་ཆུང་ཞིག་སྲུང་གིན་ཡོད་སྐད
༣
དོ་ནུབ ང་ཆང་གིས་བཟི་སོང་ན
བདག་གི་རྨི་ལམ་གྱི་སྔས་འགོར
གངས་རི་རྨིས་ཤོག རྩྭ་ཐང་རྨིས་ཤོག
གངས་རིའི་དབུ་འཁྱུད་དུ་རྩེན་པའི་རྒོད་པོ་རྨིས་ཤོག
རྩྭ་ཐང་གི་འཕང་བ་རུ་ཐིམ་པའི་སྦྲ་ནག་རྨིས་ཤོག
ང་ཡི་འབྲོང་གཡག ནམ་སྟོད་ཀྱི་སྔ་ཆ་ནས་འདུར་འོང
བདག་གི་རྟ་ཁྱུ ནམ་སྨད་ཀྱི་ཕྱི་ཆ་ནས་ཞོཊ་ངེས
ང་ཡི་ཁེར་རྐྱང་གི་མཚན་མོར
དུང་སེམས་ཀྱི་སྦྲན་པའི་སྙན་ངག
དེ་ལ་འཁོད་པའི་ཆུང་མ་དང་ཁ་བའི་འདབ་མ
ད་ལྟའང ཁོད་ཆུང་བའི་གཞི་ཁྱིམ་ཆུང་ཆུང་ཞིག་སྲུང་གིན་ཡོད་སྐད
༤
དོ་ནུབ ང་ཆང་གིས་བཟི་སོང་ན
མཚན་སྨག་གི་གཞི་རུ་ཐིམ་པའི
མེ་ལོང་ནང་ནས ཆང་ཕོར་ཁ་ནས
དམར་རྗེན་རྗེན་གྱི་རང་ཉིད་མཐོང་ཤོག
སླད་མེད་པའི་རང་གཟུཊ་དངོས་དེ་མཐོང་ཤོག
གཞན་ལ་གཡར་བ་དེ་ཚོ་སེ་གོལ་ཏོག་ཙམ་ཞིག་སྟེ
རང་ཉིད་ལ་གཏན་ནས་གཏན་དུ་དབང་ཐབས་བྲལ་བ་ཤེས་འོངས
ཉི་མ་ནུབ་རིར་ཡོལ་རྗེས
ནམ་མཁའ་ལ་ཚེས་པའི་སྐར་མ་སྤུན་བདུན
དེ་ལ་བལྟར་བའི་སྐར་ཚོམ་དང་རི་རབ
དོ་ནུབ་ཀྱང ན་བུན་དང་དངན་པའི་ཁ་རླངས་ཁྲོད
འདར་ཡོམ་ཡོམ་གྱིས་སུ་ཞིག་གི་སེམས་ཀྱི་གྲུ་ཁ་སྲུང་བཞིན་ཡོད་སྐད
བཀླཊ་མི་ཚར་བའི་ཕ་ཡུལ།
རི་བོ་དང་རི་བོ་བརྩེཊ་པས
མིག་གི་རྒྱལ་མོས་རིག་ཐབས་བྲལ་སོང
དྲན་གདུང་དང་དྲན་གདུང་བསྡེབས་པས
སེམས་ཀྱི་རྟ་ཁ་འགོག་ཐབས་བྲལ་སོང
ཕ་ཡུལ གཉོམ་དུང་དུང་གི་ཨ་མའི་ལང་ཚོ་བཞིན་རྒས་ཡོད་དམ
བྲེལ་སྟབས་ཀྱི་འཁྱར་པོའི་གདུང་བ་བཞིན་ཞོད་ཡོད་དམ
ཆུ་བོ་དང་ཆུ་བོ་སྣོལ་བས
བསམ་གཞིཊ་ཀྱི་གཤོག་པ་ཆད་སོང
མདུན་ལྗོངས་དང་འཚོལ་སྙེག་རྡེག་པས
ཕ་ཡུལ་གྱི་རྒྱབ་གཟུགས་མོག་སོང
ཕ་ཡུལ གསང་རྣམ་གྱི་མཇུག་བྱང་དེ་སུ་ཡིས་འབྲི་བཞིན་འདུག
བདེ་སྡུག་གི་གླེག་བམ་དེ་སུ་ཡིས་ཀློག་གིན་འདུག
འདས་ལོར་སྒྲོན་པའི་ལབ་རྩེའི་དར་ལྕོག་དེ་དག
དེ་རིང་ཡང་སྔར་བཞིན་རླུང་ལྡོམ་ཁྲོད
སུ་ཞིག་གི་ཀླུང་རྟའི་གོ་འཕང་མཐོ་ནས་མཐོ་རུ་འདེག་བཞིན
ཡིག་དྲུག་གི་གསང་རྣམ་ཀློག་གིན་གཡུག་བཞིན་ནམ
ད་ལོར་བཏབ་པའི་རྣང་ཞིང་གི་འབྲུ་སྣ་དེ་དག
ནམ་ཟླ་འདིའི་དུས་ཚིགས་ཀྱི་ཚ་འདེད་འོག
སུ་ཞིག་གི་འགྲུལ་བཞུད་ལ་རེ་བལྟོས་ཀྱི་རྒྱཊ་ཕྱེ་རྫོང་གིན
ཉིན་དཀར་དང་མཚན་སྨག་གི་དབྱེ་བ་ཆོད་ཡོད་དམ
ཕ་ཡུལ ཁྱེད་ཀྱི་རྩ་བ་ལས་གྱེས་པའི
ཡལ་ག་དང་ལོ་འདབ མེ་ཏོག་དང་འབྲས་བུ་སྣ་ཚོགས
སྙན་ངག་པའི་སོར་རྩེ་ལས་འཁྲུངས་པར་མ་ནུས
སྙན་ངག་གི་ནང་སྙིང་དུ་ནམ་ཡང་བརྗོད་མི་ཚར
ནམ་ཞིག ཁྱེད་ཀྱི་དུས་གསུམ་གྱི་དབྱིངས་སུ
རྨོན་དོར་ལྕག་གིས་འབྲབ་བཞིན
ས་བོན་འདེབས་མཁན་གྱི་ཨ་ཇོ་དེ
ང་རང་ཡིན་ཆོག་པ་ཞུ
རྩོམ་སྒྲིག་པ། མྱི་གསར་བ།
མཐོང་གྲོལ་དྲ་རྩོམ་དག་རྩོམ་བདག་དང་དྲ་བདག་གིས་ཆོག་མཆན་མེད་པར་རང་དགར་མི་འཁྱེར་བར་མཁྱེན།
 |
|
Signature is customized by Netease
